Чекор до успех
„Успехот се остварува на патот кон врвот, а не на самиот врв.“
Убеден сум дека само чиста упорност е половина од тоа што ги разликува успешните од неуспешните.
Што е успех?
Успехот е како патека низ која минуваш, но во секоја патека има региони, треба да си упорен во својата намера, да ги поминеш сите региони за да стигнеш до саканата дестинација .
Успехот е достижна цел. Важно е добро да ги планирате работите, да имате зацртани цели и да се движите по сопствениот план. Да се радувате на успесите, но и да учите од неуспесите.
Успешен е оној човек кој успеал да ги достигне своите цели и живее според своите идеали.
Борбата за да се стигне до скалилото на успехот е многу тешка и цело време ќе бидете под притисок за да се откажете. До успехот може да се стигне само со многу труд, многу ум и многу волја!
Патот до успехот е поплочен со предизвици
Целиот живот го поминуваме учејќи и спремајќи се за „вистинскиот свет“. Ги учиме предметите кои мислиме дека ќе ни го донесат потребното образование во посакуваното поле, волонтираме и стажираме на разни места кои сметаме дека ќе ни го отворат патот кон вистинската работа, но сепак, патот до успехот е поплочен со многу предизвици кои допрва следат, а и прашања кои некогаш имаат моќ да си поиграат со нашите глави. Сега, кога средното и високото образование се веќе дел од вашето минато, време е да се подготвите за вашата вистинска идна професија.
Работи што треба да ги знаете кога целите кон остварување на успехот
1.Бидете свесни за вашата реакција на промени
Не секој човек реагира исто на промени. Ако порано сте потпаѓале под влијание на храна, шопинг или дрога, тогаш веројатно исто ќе биде и сега. Иако тешко е да се одвикнеме од старите навики, сепак можеме да се одвикнеме. Ако во минатото сте чувствувале нервоза или анксиозност; а избегнувањето и одбивањето да донесете одлука сте ги користеле како метод на справување со стравот, тогаш градењето на кариерата може да ви биде малку отежнато. Справувањето со емоциите и стравовите е навистина голем предизвикч; а кога ќе успеете да го надминете овој проблем, тогаш ќе сте чекор поблиску до патот на кој би сакале да се најдете.
2.Избришете ги границите
Да бидеш успешен значи кога станува збор за вашата среќа, ништо да не ве ограничува. Ништо и никој да не ве сопира да се остварите себе си и да го извлечете најдоброто што животот може да го понуди. Затоа уште денес престанете да се плашите и направете еден чекор напред кон среќниот живот.
3.Биде јасни во врска со вашите цели
Животот понекогаш доаѓа одеднаш и премногу; а тоа може да биде заморно, особено кога нуди безброј нешта кои пак водат во различни правци. Најдобар начин да го избегнете ваквиот хаос е да бидете на чисто со самите себе. Што е тоа што го сакате од моментот?
4.Не се обвинувајте за нешто што не сте го знаеле
Значи, се обидовте со советот „направи нешто“и сега чувствувате дека сте заглавени во работа која не ја сакате и не можете да избегате од неа поради финансиски или други причини. Ако не внимавате може да ја замразите работата и најстрашното нешто од што секој млад човек се плаши – залудно да ги потрошите вашите најдобри години кои можат да се искористат за поголема, поисполнувачка цел.
Избегнувајте да се обвинувате за време на ваквите моменти. Ја прифативте работата затоа што сметавте дека тоа е најдобрата одлука врз база на информациите кои ги имавте. Сега, фокусирајте се да научите што е можно повеќе од тоа каде што сте во моментов. Размислувајте на начин дека таа работа може да ви ја донесе работата од соништата и да ве насочи кон совршената кариера за вас. На крај, смислете план како да се ослободите од работата која ја мразите и имплементирајте го тој план.
5.Побарајте помош
Ако чувствувате дека заглавивте и не можете да ја пронајдете совршената кариера со која ќе се гордеете; можно е да се во прашање вашите емоционални проблеми кои влијаат врз можноста да развиете здрав и правилен работен идентитет. Неразрешените, комплексни емоционални проблеми можат да ви го отежнат справувањето со проблемите со кариерата. Побарајте помош од успешни луѓе кои знаете дека поминале низ тежок период или која било друга личноста која може да ви ги разјасни вашите кариеристички аспирации и да ги подобри вашите способности за носење одлуки и решавање проблеми. Тоа е најлесниот пат до кариера која ќе ја сакате и ќе ве исполнува.
6.Останете упорни
Ниедени цели, желби и соништа нема да се претворат во реалност ако многу малку прогресираат и сакате со малку напор да станете Доналд Трамп. За остварување на големите цели не е доволно само малку. Важно е да цврсто верувате во себе, насочете со кон активно работење и никогаш не се откажувајте. Упорноста е најдобриот извор на успешните луѓе.
Коментари
Постави коментар